Croeso i wefan Addysg Gymraeg Wrecsam

‘Dim ond plant o gartrefi Cymraeg sy’n mynychu ysgolion cyfrwng Cymraeg.’

Mae bron i 80% o blant sy’n mynychu ysgolion cyfrwng Cymraeg yn Wrecsam yn dod o gartrefi di-Gymraeg. Cefnogir eu teuluoedd gan yr ysgolion ac mae pob plentyn yn cael eu trochi’n llwyr yn y iaith Gymraeg o’r diwrnod cyntaf.

‘Does dim pwynt dysgu Cymraeg yn Wrecsam gan nad oes llawer yn siarad Cymraeg yn yr ardal.’

Mae dros 16,000 o siaradwyr yn byw yn ardal Wrecsam ac mae’r nifer hwn yn cynyddu. Mae llawer o ddigwyddiadau cyfrwng Cymraeg yn cael eu cynnal yn yr ardal ac mae digon o gyfleoedd i'r plant ymarfer eu sgiliau Cymraeg y tu allan i'r ysgol.

‘Bydd addysg cyfrwng Cymraeg yn amharu ar sgiliau iaith Saesneg fy mhlentyn.’

Mae dros 2/3 o boblogaeth y byd yn ddwyieithog felly mae pobl uniaith yn y lleiafrif. Mae digon o ymchwil dan dystiolaeth yn dangos bod nifer fawr o fanteision I ddwyieithrwydd ac mae’r dystiolaeth yn dangos fod canran uchel o’r plant sy’n ddwyieithog yn perfformio yn well, yn fwy creadigol ac yn fwy hyblyg eu meddwl os yn ddwyieithog.

‘Dydi’r Gymraeg ddim yn iaith fyw.’

Mae oddeutu hanner miliwn o siaradwyr Cymraeg yn byw yng Nghymru yn ol data y cyfrifiad diwethaf. Yn ddiweddar gosododd Lywodraeth Cymru darged i gyrraedd miliwn o siaradwyr Cymraeg yng Nghymru erbyn 2050, felly mae’r iaith yn fyw ac yn ffynnu. Erbyn hyn, gwarchodir statws yr iaith Gymraeg gan Gomisiynydd y Gymraeg hefyd.